HOSPITALI YA TAIFA MUHIMBILI-MLOGANZILA WATOA HUDUMA YA UPIMAJI USIKIVU BILA MALIPO

  • Wingi wa watu waliojitokeza  kupima usikivu wao umeonyesha ni jinsi gani wananchi wanajali afya zao, huku wakipewa sababu zinazosababisha baadhi ya watu kupoteza uwezo wa kusikia na jinsi ya kuzuia upotevu wa kusikia.
  • Upimaji wa usikivu bila malipo umeanza Machi 2, 2019 katika Hospitali ya Taifa Muhimbili-Mloganzila ambapo kauli mbiu ni “Chunguza Usikivu Wako (Check Your Hearing” yenye lengo la kuhamasisha kila mmoja kuchukua hatua ya kufanyiwa uchunguzi wa usikivu wake.
WANANCHI WAKISUN
Katika picha baadhi ya wananchi waliojitokeza kupima kiwango cha usikivu hospitalini hapo.
  • Huduma ambazo zimeanza kutolewa katika Hospitali ya Taifa Muhimbili-Mloganzila ni; upimaji wa kuona kiwango cha kusikia na rufaa ya kupata matibabu Muhimbili kwa watakaobainika kuwa na tatizo. Pia elimu ambayo imetolewa ni dalili na vyanzo vya kupoteza usikivu, kutoa takwimu za ongezeko la upotevu wa usikivu duniani na hatua zinazochukuliwa nchini.
  • Katika shughuli ya upimaji huo, wananchi wameelezwa sababu zinazosababisha mtu au watu kupoteza uwezo wa kusikia. Zifuatazo ni sababu zinazosababisha watoto wachanga kupoteza uwezo wa kusikia. Kwanza familia kuwa na watu wenye matatizo ya kutokusikia, maambukizi ya magonjwa kutoka kwa mama wakati akiwa mjamzito, mtoto kuzaliwa kabla ya wakati, mtoto kukosa hewa wakati wa kuzaliwa na kupata homa ya manjano baada ya kuzaliwa.
WANANCHI
Wananchi wakisubiri kupata huduma ya upimaji ya usikivu katika Hospitali ya Mloganzila.
  • Kwa upande wa watoto na watu wazima, sababu zinazosababisha kupoteza uwezo wa kusikia ni; kuugua surua, uti wa mgongo au sikio kupata maambukizi na uchafu kutoka sikioni, matumizi yasiyo sahihi ya dawa mbalimbali, kuumia sikio au kichwa, kukaa sehemu zenye kelele au zenye sauti kubwa sana, kusikiliza sauti kupitia vifaa mbalimbali kabla ya umri unaofaa na nta au kitu kisichokuwa cha kawaida kuziba mfumo wa njia ya sikio.
  • Wazee nao wamekuwa wakipoteza uwezo wa kusikia kutokana umri wao hivyo uwezo wao wa kusikia hupungua, kukaa sehemu zenye kelele au zenye sauti kubwa sana, kupata shinikizo la damu, kuugua sukari na wengine kutumia dawa mbalimbali.
WAZAZI
Wazazi wakiwa na watoto kabla ya kwenda kuwaona wataalam wa magonjwa ya masikio, pua na koo wa Hospitali ya Muhimbili Upanga na Mloganzila.
  • Wataalam wa magonjwa ya masikio, pua na koo wanaeleza kuwa njia za kuzuia upotevu wa kusikia kwa mtu mzima ni kuweka kifaa au kitu chochote ndani ya sikio, anashauriwa kutumia pamba laini au kifaa maalumu cha kuziba masikio kwenye sehemu zenye sauti kubwa, endapo ana shida ya sikio au masikio anatakiwa kumuona daktari, anatakiwa kuchunguza dawa anazotumia kama zinaweza kuathiri usikivu wake na pia, anashauriwa kutumia vifaa salama vya masikio kama ulivyoelekezwa na daktari.
MTAALAM
Mtaalam wa magonjwa ya masikio, pua na koo wa Hospitali ya Taifa Muhimbili (MNH), Teddy Uisso akimpima mgonjwa kiwango cha kusikia.
  • Kwa upande wa watoto; mzazi anashauriwa asimweke mtoto kifaa au kitu chochote ndani ya sikio labda kama unamsafisha sikio, watoto wanapaswa kufundishwa kutokuweka kifaa au kitu chochote ndani ya sikio, endapo  sikio la mtoto linauma, limeumia, kukatika au linatoka uchafu  ndani mpeleke kwa daktari, usiwaruhusu watoto kuogelea kwenye maji machafu, mzazi usimpige mtoto sehemu za sikio, mkinge mtoto katika sehemu zenye sauti au kelele kubwa na wafundishe watoto kusikiliza kwa kutumia vifaa salama.
MRATIBU
Mratibu wa Usikivu kutoka Mfuko wa Usikivu wa Starkey akitoa elimu kwa wananchi wanaosubiri kuwaona wataalam wa magonjwa ya masikio, pua na koo katika Hospitali ya Taifa Muhimbili-Mloganzila.
  • Katika hatua hii, mzazi au mlezi anawezaje kuhisi mtoto wake amepoteza uwezo wa kusikia? Mtoto anaweza kuwa na matatizo ya kutokusikia ikiwa hatojibu jambo kwa sauti, kutokuelewa kitu gani kinazungumzwa au kushindwa kuongea kwa ufasaha, kuchelewa kuongea kwa ufasaha, kutokwa na uchafu sikioni, na kuumwa sikio mara kwa mara au sikio kuziba.
  • Kwa upande wa mtu mzima atakuwa amepoteza uwezo wa kusikia endapo;  atauliza mara kwa mara watu warudie walichoongea, kuwa na tabia ya kuongeza sauti ya redio na runinga, kukosa baadhi ya maneno katika maongezi, kuwa na kelele katika sikio na wakati mwingine watu wanakwambia unaongea kwa sauti kubwa sana.
  • Upimaji wa usikivu bila malipo ulianza Machi 02,2019 na utamalizika Machi 03,2019

Unaweza kuangalia pia

ONGEZENI KASI YA KUWAHUDUMIA WANANCHI – DKT. CHAULA

Watumishi wa afya nchini wametakiwa kuongeza kasi ya kuwahudumia wananchi kwenye vituo vya kutolea huduma …

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.