UJENZI WA KITUO CHA AFYA BWISYA UKARA MKOANI MWANZA WAKAMILIKA

Matokeo ChanyA+ March 22, 2019 Taarifa Vyombo vya Habari, Taarifa ya Habari, Tanzania MpyA+ Acha maoni 1,553 Imeonekana

• Majengo ya kituo cha afya cha Bwisya Ukara, Wilaya ya Ukerewe Mkoani Mwanza Kilichojengwa kwa maelekezo ya Rais wa Jamhuri ya Muungano wa Tanzania Mhe. Dkt. John Pombe Magufuli yamewavutia na kuwafurahisha wananchi wa eneo hilo ambao walikuwa wakikabiliwa na changamoto kubwa ya upatikanaji wa huduma za matibabu.

• Kukosekana kwa huduma za kituo cha afya katika eneo hilo kulisababisha wananchi kulazimika kutumia mitumbwi na maboti kufuata huduma za matibabu mbali, hali iliyosababisha ajali za majini na vifo.

• Rais Magufuli alitoa maagizo ya kujengwa kituo hicho Baada ya ajali ya kivuko cha MV Nyerere kilichozama katika ziwa Victoria Septemba 2018, Mhe. Rais Magufuli alielekeza fedha za michango iliyotolewa na watu mbalimbali, mashirika na taasisi kuelekezwa katika ujenzi wa kituo cha afya ili kutatua kero kubwa ya changamoto ya upatikanaji wa matibabu.

• Wananchi hao wamemshukuru Mhe. Rais Magufuli kuwasaidia kutatua tatizo hilo.

Ad