Matokeo ChanyA+ Chombo kinachounga mkono matokeo yote chanyA+ TanzaniA+. #InfoChanyA+
Askofu Mkuu wa Kanisa la Tanzania Assemblies of God Tanzania (TAG) Dkt. Barnabas Mtokambali amesema kuwa Baraza kuu la Kanisa hilo limeamua kutoa Tuzo Maalum ya Heshima kwa Rais Dkt. John Magufuli.
Amesema hayo wakati wa kumkabidhi Rais Magufuli Tuzo hiyo katika mkutano wa Baraza kuu la Kanisa hilo uliofanyika katika Ukumbi wa Chuo cha Biblia Miyuji jijini Dodoma leo tarehe 14 Agosti 2020
Dkt. Mtokambali amesema kuwa Baraza kuu la kanisa limeamua kutoa tuzo hiyo kutokana jinsi Rais Dkt. Magufuli alivyoongoza Taifa kumtengemea Mungu katika kipindi kigumu cha janga la ugonjwa wa virusi vya corona.
“Wakati mataifa mengine yakiweka nguvu kwenye kuwazuia watu wao wasitoke manyumbani (lockldown) na kufunga shughuli mbalimbali za kuletea mataifa yao maendeleo wewe umefanya mambo tofauti kabisa duniani” amesema Dkt. Mtokambali
Dkt. Mtokambali amesema kuwa kitendo cha Rais Magufuli kutowafungia watu ndani na kuwaelekeza wafanye kazi na kumtafuta Mungu wao kwa bidii ambaye ndiye jawabu la kweli la mambo yote kumeliweka Taifa kwenye nafasi ya kipekee sana duniani katika kumtengemea Mungu na kulifanya Taifa kutoyumba kiuchumi.