Wakaazi 31,282,331 Waandikishwa Katika Daftari la Mkaazi Serikali za Mitaa Nchi nzima.

Kujisajili katika Daftari la Mkazi wa Serikali za Mitaa ni muhimu kwa sababu zifuatazo:

Kujisajili kunawawezesha wakazi kupata haki zao za kiraia, ikiwa ni pamoja na kushiriki kikamilifu katika chaguzi za Serikali za Mitaa kwa kupiga kura na kugombea nafasi za uongozi.

Pia Wakazi waliosajiliwa wanakuwa na uwezo wa kupata huduma mbalimbali za kijamii zinazotolewa na serikali, kama vile afya, elimu, na maji safi.

Kadhalika Daftari la mkazi linatoa utambulisho rasmi kwa wakazi wa eneo husika, jambo linalorahisisha kupata nyaraka muhimu kama vitambulisho na hati za usafiri.

Kujisajili kunatoa takwimu sahihi kwa serikali kuhusu idadi ya wakazi, hivyo kurahisisha mipango na ugawaji wa rasilimali za maendeleo kwa usawa.

Hatimae Wakazi waliosajiliwa wanapewa nafasi ya kushiriki katika maamuzi muhimu kuhusu masuala ya maendeleo ya kijamii na kiuchumi katika mitaa yao, kupitia mikutano na vikao vya maendeleo ya jamii.

Kwa hivyo, usajili katika Daftari la Mkazi unaleta manufaa makubwa katika kuimarisha demokrasia na maendeleo ya kijamii.