Matokeo ChanyA+ Chombo kinachounga mkono matokeo yote chanyA+ TanzaniA+. #InfoChanyA+
“Amazing Tanzania” ni filamu iliyorekodiwa kwa lugha za Kichana, kiswahili na Kiingereza ambayo Washiriki wakuu ni Rais wa Tanzania Dkt Samia Suluhu Hassan na Rais wa Zanziba Dkt Hussein Ally Mwinyi ambayo inaonyesha uzuri wa Tanzania kupitia mandhari ya kipekee, utamaduni wa kuvutia, na wanyamapori wa ajabu.
Filamu hii imeangazia vivutio mbalimbali nchini, kuanzia Ngorongoro hadi Mbuga ya Serengeti na visiwa vya Zanzibar, huku ikitoa mtazamo wa kina juu ya urithi wa kitamaduni wa nchi, makabila yake, na ukarimu wa watu wake.
Filamu hii ina sura zinazohusisha matukio kama uhamaji mkubwa wa nyumbu Serengeti (*Great Migration*), safari za kupanda Mlima Kilimanjaro, na uzuri wa fukwe za Zanzibar. Pia inaonyesha maisha ya kila siku ya Watanzania, ikiwa ni pamoja na shughuli za kilimo, biashara za masokoni, na sherehe za kitamaduni kama vile ngoma za asili.
“Amazing Tanzania” inalengo la kufikisha ujumbe kwa ulimwengu kuhusu Tanzania kama moja ya nchi zinazofaa kutembelewa kutokana na urithi wake wa asili na wa kipekee. Hii si tu filamu ya kitalii bali pia ni mwaliko kwa ulimwengu kugundua Tanzania, nchi ambayo ni ya ajabu kwa vivutio vyake vya kipekee na watu wake wa ajabu.
