DC CHONGOLO AZINDUA MAONESHO YA BIDHAA ZA NGOZI VIWANJA VYA TANGANYIKA PACKERS, AWEKA MKAKATI WA SOKO LA UHAKIKA

  • Mkuu wa Wilaya ya Kinondoni Mhe. Daniel Chongolo amesema kuwa katika kutatua changamoto ya kupata soko la uhakika la bidhaa za ngozi, Wilaya hiyo imejipanga kuwatafutia maeneo wazalishaji wa ndani ambapo wote  watakaa sehemu moja kwa ajili ya uzalishaji na uuzaji  wa bidhaa hizo.
  • Akizungumza wakati wa uzinduzi wa maonesho ya bidhaa za ngozi yanayofanyika katika viwanja vya Tanganyika Packers , Mhe. Chongolo amesema kuwa mkakati huo utasaidia kuinua uhakika wa soko kwa wazalishaji.

2-01

  • Amefafanua kuwa maonesho hayo ya bidhaa za ngozi yanafanyika kwa mara ya kwanza katika Wilaya hiyo na kwamba ni lazima kila mwananchi ajenge utamaduni wa kupenda bidhaa zinazozalishwa hapa nchini na kuwataka kuondokana na dhana ya kuona bidhaa zinazotoka nje ndio bora zaidi.
  • “ Ukienda kwenye nchi za wenzetu hasa zilizoendelea, wao wanathamini kwanza cha kwao, cha mwingine badae, nasisi tukifikia hatua hiyo tutafanikiwa sana, lakini tutafikaje hapo ni la zima kuanzia sasa tuamke tuanze kupenda vya kwetu” amesema Mhe. Chongolo.
3-01
Mjasiriamali akitoa maelezo kwa Mkuu wa Wilaya ya Kinondoni , Mhe. Daniel Chongolo wakati akikagua mabanda ya maonesho ya bidhaa za ngozi zinazozalishwa hapa nchini.
  • Mhe. Chongolo ameongeza kuwa uwepo wa maonesho hayo utaongeza tija na mipango madhubuti ya kuhakikisha kuwa mpango huo unakuwa endelevu sambamba na kuongeza wigo mpana wa kutangaza bidhaa hizo na wananchi kupenda kuzitumia.
  • “ Uwepo wenu hapa utawezesha wale wananchi ambao wanakuja kununua bidhaa zenu , ndio watakuwa mawakala kwa wananchi wengine ambapo na wao watapenda kuja kununua bidhaa hizi bora na nzuri za kitanzania” ameongeza.
4-01
Mjasiriamali akitoa maelezo kwa Mkuu wa Wilaya ya Kinondoni , Mhe. Daniel Chongolo wakati akikagua mabanda ya maonesho ya bidhaa za ngozi zinazozalishwa hapa nchini
  • Kwa upande wake Diwani wa Kata ya Kawe , Mhe. Muta Rwakatare amempongeza Mhe. Chongolo kwa kubuni na kufanikisha kuwepo kwa maonesho hayo.
  • Ameongeza kuwa kutokana na umahiri aliokuwa nao mkuu huyo wa Wilaya wa kutatua changamoto mbalimbali za wananchi, anaamini kuwa sasa ni wakati wa wajasiriamali hao kunufaika kwani changamoto zao pia zimefikia kikomo.
5-01
Mjasiriamali akitoa maelezo kwa Mkuu wa Wilaya ya Kinondoni , Mhe. Daniel Chongolo wakati akikagua mabanda ya maonesho ya bidhaa za ngozi zinazozalishwa hapa nchini
  • Ameongeza kuwa Rais Dk. John Magufuli amekuwa mstari wa mbele kusisitiza uchumi wa viwanda na kwamba hadi sasa tayari adhma hiyo imefanikiwa kwa asilimia kubwa.
  • Naye Mkuu wa Idara ya Mifugo na Uvuvi Dk. Patricia  Henjewele amesema kuwa wazo la kuwepo kwa maonesho hayo lilitolewa na Mhe. Chongolo wakati wa maonesho ya nanenane ambapo alihitaji kuandaliwa kwa mpango kazi wa kuwa na maonesho hayo.
6-01
Mjasiriamali akitoa maelezo kwa Mkuu wa Wilaya ya Kinondoni , Mhe. Daniel Chongolo wakati akikagua mabanda ya maonesho ya bidhaa za ngozi zinazozalishwa hapa nchini
  • Amesema kuwa kabla ya kufanyika kwa maonesho hayo, awali yalifanyika mafunzo ya siku nne ambayo yaliendana sambamba na maonesho ya bidhaa hizo kwa siku moja yaliyofanyika katika Halmashauri ya Manispaa ya Kinondoni.
  •  Dk. Henjewele amesema kuwa maonesho hayo ya siku nne yatafikia kilele Disemba 15 ambapo bidhaa zote za ngozi ikiwemo viatu, mikoba, mikanda na mabegi ya shule ya wanafunzi yanapatikana hapo
7-01
Viatu vya ngozi vinavyozalishwa na wajasiriamali wa hapa Tanzania.

 

 

 

 

 

 

 

Unaweza kuangalia pia

WAZIRI KAIRUKI AWAHAKIKISHIA WAWEKEZAJI MAZINGIRA MAZURI YA UWEKEZAJI

Waziri wa Nchi Ofisi ya Waziri Mkuu anayeshughulikia masuala ya Uwekezaji nchini Mhe. Angellah Kairuki …

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.