MWENYEKITI WA BODI YA TAASISI YA GWPSA – AFRICA RAIS MSTAAFU DKT. KIKWETE ASHIRIKI KATIKA MKUTANO WA KIMATAIFA WA MAJI

Rais Mstaafu Dkt. Jakaya Mrisho Kikwete, kwa Wadhifa wake wa Mwenyekiti wa Bodi ya Taasisi ya Kimataifa inayojishughulisha na Masuala ya Maji Barani Afrika (Global Water Partnership – Southern Africa and Africa Coordination Unit – (GWPSA – Africa)) ameshiriki katika Mkutano wa Kimataifa Kuhusu Maji (World Water Forum) Mjini Dakar nchini Senegal.

Akiwa Dakar, Rais Mstaafu amekutana na kufanya mazungumzo na Mheshimiwa Macky Sall, Rais wa Jamhuri ya Senegal, Ikulu ya Senegal, ambapo wameongelea mikakati mbalimbali ya kuhakikisha kunakuwa na upatikanaji wa maji safi, salama na toshelevu Barani Afrika.