SERIKALI YAONYA WATOAJI NA WAPOKEA RUSHWA KATIKA UCHAGUZI WA SERIKALI ZA MITAA 2019

  • Serikali imeonya kuwa haitakuwa na msalie mtume na mtu,chama cha siasa ama kikundi chochote kitakachojihusisha na rushwa kabla,wakati na baada ya uchaguzi wa serikali za mitaa wa mwaka huu 2019 pamoja na Uchaguzi mkuu wa 2020.
PROF
Waziri wa Mambo ya Nje na Ushirikiano wa Afrika Mashariki Profesa Palamagamba John Kabudi akiwasili Makao Makuu ya Taasisi ya Kuzuia na Kupambana na Rushwa (TAKUKURU) na kupokelewa na Naibu Waziri Ofisi ya Rais,Menejimenti ya Utumishi wa Umma na Utawala Bora Mhe. Dr. Mary Mwanjelwa pamoja na Mkurugenzi Mkuu wa TAKUKURU Kamishna wa Polisi Diwani Athumani na Naibu mkurugenzi Mkuu wa TAKUKURU Brigedia Jenerali John Mbungo.
  • Kauli hiyo imetolewa na Waziri wa Mambo ya Nje na Ushirikiano wa Afrika Mashariki Profesa Palamagamba John Kabudi wakati akifungua mkutano wa kujadili namna ya kudhibiti rushwa katika uchaguzi wa serikali za mitaa 2019 jijini Dar es Salaam, na kuongeza kuwa Serikali ya awamu ya Tano chini ya Rais Dkt John Pombe Magufuli inataka wananchi watambue kuwa serikali yao imedhamiria kupambana na rushwa katika nyakati zake zote na sura zake zote.
  • “Sote tunafahamu mwaka 2019 tutakuwa na Uchaguzi katika ngazi za Serikali za Mitaa hivyo basi,chaguzi hizi zinapaswa kuendeshwa na kusimamiwa kwa uadilifu na umakini mkubwa kwa kuzingatia sheria,kanuni na taratibu ili haki,usawa,uhuru na demokrasia viweze kustawi,kuendelezwa na kudumishwa hivyo Takukuru kamwe isiwe na Msalie Mtume kwa yeyote atakayejihusisha na masuala ya rushwa”
PROF
Waziri wa Mambo ya Nje na Ushirikiano wa Afrika Mashariki Profesa Palamagamba John Kabudi (katikati) akiwa kwenye mkutano wa wadau kujadili namna ya kudhibiti rushwa katika uchaguzi wa serikali za mita 2019. Kushoto kwa Prof Palamagamba John Kabudi ni Naibu Waziri Ofisi ya Rais,Menejimenti ya Utumishi wa Umma na Utawala Bora Mhe. Dr. Mary Mwanjelwa,akifuatiwa na Naibu mkurugenzi Mkuu wa TAKUKURU Brigedia Jenerali John Mbungo. Kulia ni Mkurugenzi Mkuu wa TAKUKURU Kamishna wa Polisi Diwani Athumani,akifuatiawa na Mkurugenzi wa utafiti na ufuatiliaji wa TAKUKURU Sabina Seja.
  • Profesa Palamagamba John Kabudi ameongeza kuwa rushwa katika uchaguzi ni zaidi ya udanganyifu wa hesabu za kura,kwakuwa una madhara kadha wa kadha ikiwemo viongozi kukosa uwajibikaji,kukosa viongozi waadilifu,kukosa viongozi wazalendo,uwepo wa vitendo vya uvunjifu wa Amani kutokana na migogoro ya mara kwa mara ya kisiasa,uchumi wa Taifa kudidimia kwa kukosa mipango ya maendeleo na viongozi kufanya maamuzi ya kisera yenye maslahi kwa wachache.
  • Aidha,amewapongeza TAKUKURU kwa kuandaa Warsha hiyo katika wakati muafaka na kusisitiza,pamoja na sheria na kanuni zilizopo bado kuna wajibu mkubwa wa kuhakikisha jamii inashirikishwa na kuelimishwa kuhusu madhara ya rushwa katika Uchaguzi.
PROF
Waziri wa Mambo ya Nje na Ushirikiano wa Afrika Mashariki Profesa Palamagamba John Kabudi (katikati) akiwa katika picha ya pamoja na baadhi ya wadau waliohudhuria warsha ya kujadili namna ya kudhibiti rushwa katika uchaguzi wa serikali za mitaa 2019. kushoto kwake ni Mkurugenzi Mkuu wa TAKUKURU Kamishna wa Polisi Diwani Athumani,akifuatiawa na Mkurugenzi wa utafiti na ufuatiliaji wa TAKUKURU Sabina Seja na Mbunge wa Vunjo Mhe. James Mbatia. Kulia kwake ni Naibu Waziri Ofisi ya Rais,Menejimenti ya Utumishi wa Umma na Utawala Bora Mhe. Dr. Mary Mwanjelwa,akifuatiwa na Naibu mkurugenzi Mkuu wa TAKUKURU Brigedia Jenerali John Mbungo na Skauti Mkuu Mwantumu Mahiza.
  • Kwa upande wake Mkurugenzi Mkuu wa taasisi ya kuzuia na kupambana na rushwa nchini TAKUKURU Kamishna wa Polisi Diwani Athumani amesema rushwa katika Uchaguzi ni hatari na inaweza kuleta madhara kwa Taifa kwani viongozi wala rushwa au watoa rushwa hawataweza kuisimamia nchi kwa misingi ya haki,usawa,uwazi,uwajibikaji na uzalendo na vilevile wananchi wapokea au watoa rushwa hawawezi kuhoji masuala mbalimbali kwa viongozi wao.
  • Amewataka wananchi kutoa ushirikiano wa kutosha na kutoa taarifa bila woga kwa wale wote watakaojihusiha na masuala ya utoaji ama upokeaji rushwa ili sheria ziweze kufuata mkondo wake na baadae kuwa na Taifa lenye usawa katika nyanja zote.
  • Warsha hiyo ya wadau kujadili namna ya kudhibiti rushwa katika uchaguzi wa serikali za mitaa imehudhuriwa na wadau mbalimbali wakiwemo viongozi wadini,vyama vya siasa,vyama vya kiraia na vyombo vya ulinzi na usalama.
Ad

Unaweza kuangalia pia

KAMPUNI YA SIGARA TANZANIA(TCC) KUTOA MSAADA WA VIFAA MBALIMBALI KWA WATU WENYE ULEMAVU ZANZIBAR

Makamu wa Pili wa Rais wa Zanzibar Balozi Seif Ali Iddi alisema kwamba utayari wa …

Leave a Reply

Your email address will not be published.

This site uses Akismet to reduce spam. Learn how your comment data is processed.